حبل السبحة انفرط حبة حبة
والدور جاى عليكم يا احبة
الايام دول وسنين صعبة
لا ح تقدر تهرب ولا تستخبى
بكينا على الاندلس ايام وسنين
ومين اللى ح يبكى علينا مين
كلنا فى الدم متورطين
لا ملك دائم ولا سلاطين
حبة ورا حبة واحنا شاهدين
تداعت عليكم الامم يا مسلمين
صمت الخرس صمت مهين
وإذلال النفس شئ حزين
حبة ورا حبة والشرف ضاع
من الخاين واللى لضميره باع
واللى لاوامر سيده طاع
يشعل المنطقه فى صراع
حبة ورا حبة وانفتح الباب
امير فتنة وسلطان ارهاب
برعايه امريكى نصاب
دمروا زينة الشباب
بكره نحكى لولادنا ونقول
كان ياما كان ايام زمان
بلد اسمه سوريا ولبنان
واليمن وليبيا والسودان
وباكستان وافغانستان
والدور على مين كمان
ضاعت النخوه والاوطان
والايد مشلوله واللسان جبان
كلمات/فتحى خود
ليست هناك تعليقات:
إرسال تعليق